Plan, kulturminne, natur og nærmiljø

Målgruppa for desse tenestene er innbyggjarar og nærlingsliv.
Tenestene skal levere tilbod etter lov om Plan og bygningslova, Matrikkellova, Lov om produktkontroll, Naturmangfaldslova, Forurensningslova, Vassforskrifta, Kulturminnelova og Friluftslova
Tenestene er organisert under Hovudutval for lokal utvikling og Tenesteområde for lokal utvikling.

• Alle skal bu trygt og ha gode møteplasser.
• Oppvekstvilkåra til barn og unge i kommunen er gode.
• Fleire enn før går eller syklar til skule og barnehage.

God service gjennom høg kompetanse.

• Det er oppretta eit eige fagområde for grønt og landskap. Dette gir auka fokus og gjennomføring innanfor feltet.

Ta i bruk digitalt byggesaksarkiv.

• Delar av byggesaks-, landbruks- og oppmålingsarkivet vart digitalisert i 2018. Kommunen har fått fortløpande tilgang til materialet som er scanna. Dette har bidratt til forenkling.

Ivareta offentlege interesser under behandling av private utbyggingsplanar.

• I 2018 vart 8 reguleringsplanar sluttbehandla. Kommunen har tett dialog med utbyggjarar for å sikra offentlege interesser. Det er eit godt tverrfagleg arbeid på dette feltet.

Trygge og attraktive leikeplassar/lokale møtepunkt.

• Krav til nye opparbeida leikeplassar vert stilt ut frå felles norm for utomhusanlegg. Dette sikrar kvalitet. For eksisterande leikeplasser gjer manglande økonomi at fleire av desse forfell og i verste fall må nedleggjast på grunn av feil på utstyr og likande.

Redusera tap av naturmangfald.

• Naturmangfaldet i Klepp utanfor verneområda er knytt til kulturlandskapet udyrka mark og restareal. Nydyrking og anna omdisponering av slike areal vil redusera leveområda for plante- og dyreartar. I 2018 var 53,5 daa nydyrka.

Fortetting i eksisterande bustadområde og god arealutnyttting med god bukvalitet.

• Fortettingsveiledaren vert lagt til grunn for å sikra kvalitet og gode buforhold i fortettingssaker. Det har i 2018 særleg vore fortetting i Kleppe sentrum og Verdalen. Ved fortetting av meir enn 3 bustader vert det gjennomført regulering.

Fleire folk i Kleppe sentrum i leik og fritid.

• Aktivitetsparken og utviding av Kleppeloen inkludert akebakke har vore utgreia og planlagt i 2018. Dette held fram i 2019.

Ivareta barna sine kvardagsbehov i planarbeid.

• Det vart gjennomført barnetråkkregistrering i alle 5 og 9. klassar i Klepp kommune i 2018. Registreringane vert nytta i arbeidet med kommunal planlegging, som for eksempel reguleringsplanar, kommuneplanar og trafikksikringsplanar.

• Ventar framleis høg aktivitet knytt til arealplanarbeid og utvikling av nærmiljø og bumiljø
• Vurdering av framtidig utbyggingsareal opp imot vekst i folketal og nytt jordvernmål
• Avklaringar knytt til vidare sentrumsutvikling; kommunehus, kyrkje og idrettshall
• Revisjon av reigonalplan Jæren vil gje føringar for framtidig utvikling innanfor areal og transport
• Gjennomføra klima- og miljøtiltak i samsvar med revidert plan
• Utarbeide forvaltningsplan for Figgjovassdraget og følgje opp med tiltak
• Innføring av nytt saksbehandlingssystem for byggesaksbehandling
• Innføring av nytt forvaltning, drift og vedlikehaldssystem for leikeplassar og grøntområde
• Verdikartlegging av friluftsområde
• Utrede prinsipper for drift og oppgradering av kommunale leikeplassar
• Utarbeide planstrategi for 2020-2023
• Avklare utbyggingspakke Jæren
• Vurdere innkjøp av nytt oppmålingsutstyr
• Implementere nytt saksbehandlingssystem for byggesaker
• Årsplan for lokal utvikling 2019 gir ein oversikt over konkrete planar og oppgåver det kommande året