PP-tenesta

Beskriving

Den pedagogisk-psykologiske tenesta (PPT) skal sørgje for at det blir utarbeidd ei sakkunnig vurdering der lova krev det. Dette gjeld først og fremst vurdering om behov for spesialpedagogisk hjelp for born i førskulealder og behov for spesialundervisning for elevar i grunnskulen, vidaregåande skular og i vaksenopplæring på grunnskulen sitt område.

Opplæringslova krev også sakkunnig vurdering i ein del andre tilfelle, mellom anna

• tidlegare eller utsett skulestart
• fritak frå opplæringsplikta
• teiknspråkopplæring
• punktskriftopplæring for blinde og sterkt svaksynte elevar
• søknad om inntil to års ekstra vidaregåande opplæring
• søknad om inntak på særskilt valt utdanningsprogram på vidaregåande trinn 1

PPT skal og hjelpe skulen i arbeidet med kompetanseutvikling og organisasjonsutvikling for å leggje opplæringa betre til rette for elevar med særlege behov. Dette gjeld og for barnehagar som har barn som treng særskilt oppfølging.

I praksis kan dette bety at PPT:

• Kartlegg og utgreier førskulebarn og elevar med ulike vanskar.
• Rettleiar personalet i barnehagar og skular i forhold til førebygging, og tilrettelegging av læringsmiljø, pedagogisk utviklingsarbeid og tilpassa hjelp/undervisning.
• Rettleiar og gjev råd til føresette.

Målgruppe

Barn, ungdom og elevar som ikkje har eller ikkje kan få tilfredsstillande utbytte av det ordinære opplæringstilbodet.

Kriterie

Du har ikkje eller kan ikkje få tilfredsstillande utbytte av det ordinære opplæringstilbodet.

Gjeldande lov og regelverk

Alle kommunar og fylkeskommunar skal ha ei pedagogisk-psykologisk teneste.

Veiledning

Born/elevar under 15 år blir tilvist av føresette sjølve eller i samråd med barnehage/skule/helsestasjon. Unge over 15 år kan ta initiativ til tilvising sjølv, eventuelt i samarbeid med skulen.

Du kan kontakte kommunen for å få hjelp med tilvisinga.

Tilvisningsskjema til PPT

Søknadsfrist

Tilvisingar blir behandla etter kvart som dei kjem inn.

Behandling

Uttalen frå PPT er eit ledd i saksførebuinga før det blir gjort vedtak om spesialundervisning o.a.

Behandlingstid

Førespurnader om tilvising blir behandla etter kvart som dei kjem inn.

Sist oppdatert

01.09.2011 13:58